Plantun de Prouvènço

Pèr coumpara dos planto d'encò nostre

Sagittaria sagittifolia & Stuckenia pectinata

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Espigo-d'aigo(-peitinado)

Stuckenia pectinata

Potamogetonaceae

Noms en français : Potamot pectiné, Potamot à feuilles pectinées.

Descripcioun :
Aquesto espigo-d'aigo, de coulour bruno e forço coumuno, trachis dins li canau e roubino. Se recounèis à si fueio loungarudo de 5 à 10 cm e primo. Lis espigo fan de 1 à 4 cm, pourtado pèr de pecou prim peréu. Poudès coumpara emé l'espigo-d'aigo-peitinado, mens coumuno, que trachis dins li lau de mountagno. Regardas peréu lis espigo-d'aigo dóu gènre Potamogeton.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 50 à 150 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Stuckenia
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Aigo - Canau - Roubino
Estànci : Termoumediterran à Coulinen
Couroulougi : Subrecoumoupoulito
Ref. sc. : Stuckenia pectinata (L.) Börner, 1912 (= Potamogeton pectinatus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Sagittaria sagittifolia & Stuckenia pectinata

ges

Coumpara Flècho-d'aigo emé uno autro planto

Coumpara Espigo-d'aigo(-peitinado) emé uno autro planto